استضافة وبث فيديو في مصر
للمدرسين والمنصات والشركات: كل درس متشفّر، عليه علامة مائية برقم الطالب، ومقفول على دومينك. باقة شهرية بسعر ثابت أو على قد استهلاكك، من غير كارت بالدولار.
من غير كارت. فيديو تجربة لحد 2 GB و5 GB مشاهدة.
من غير ما تدير سيرفرات ولا تفهم في الترميز.
بأي جودة ومن الموبايل أو الكمبيوتر. المعالجة بتطلّع منه أربع جودات متشفّرة، ومن غير ما تدفع عليها.
اكتب دومين منصتك، وشغّل العلامة المائية برقم الطالب وحد الأجهزة. كله من لوحة التحكم.
انسخ كود التضمين لأي موقع أو استخدم إضافة WordPress، والدرس يشتغل على الموبايل والكمبيوتر والآيفون.
من رفع الملف لحد ما يشتغل على موقعك، من غير ما تدير سيرفرات ولا تفهم في الترميز.
ارفع بأي جودة، وبنطلّعه بأربع جودات مقسّمة HLS ومتشفرة.
الفيديو بيشتغل على الدومينات اللي بتحددها إنت، ومحدش غيرها.
كل قطعة متشفّرة، والمفتاح مابيتخزّنش مع الفيديو على الـ CDN.
اسم الطالب فوق الفيديو وبيغيّر مكانه، فمينفعش يتقص.
اربط OBS مرة واحدة، والبث بيتسجّل ويتحوّل لدرس في مكتبتك.
مجلدات جوه بعضها، بحث، وكود تضمين لكل درس على حدة.
كل درس استهلك كام، ومتوسطك اليومي، والرصيد كفاية كام يوم.
درس على يوتيوب؟ اربطه من غير رفع، وبيشتغل في نفس المشغّل.
مفيش فيديو على الإنترنت محمي ١٠٠٪، وأي حد بيقولك غير كده بيبيعلك وهم. اللي بنعمله إننا نخلّي السرقة مكلّفة، ولو حصلت تبقى عارف مين.
الفيديو بيشتغل على الدومينات اللي بتحددها إنت بس. حد نسخ كود التضمين وحطه على موقعه؟ بيجيله صفحة رفض، مش الفيديو. الفحص ده بيحصل على السيرفر قبل ما يتبعت أي بايت، مش في جافاسكريبت يتقفل من الـ devtools.
كل قطعة من الفيديو متشفّرة. الفرق المهم إن مفتاح فك التشفير مابيتحطّش مع الفيديو على الـ CDN — بيتخزّن عندنا مشفّر ومابيتخدمش غير بعد ما الطلب يعدّي فحص الدومين والتوكن. لو المفتاح متحط جنب الفيديو، التشفير كله بيبقى شكل من غير معنى.
اسم أو كود الطالب بيتطبع فوق الفيديو وبيغيّر مكانه كل شوية، فمينفعش يتقص من الكادر. لو الدرس ظهر على تليجرام، الاسم ظاهر في الفيديو نفسه.
السيستم بيحلّل كل جلسة مشاهدة كل ٥ دقايق، وبيقارن سلوكها بسلوك المشغّل الطبيعي: برنامج تحميل بيحاول يسحب ملفات الدرس، نفس رقم الطالب شغّال على جهازين في مكانين في نفس اللحظة، أدوات المطوّر مفتوحة، أو مشاهدة متواصلة ١٠ ساعات. أي حاجة من دول بتوصلك كتنبيه فيه الدرس والجهاز والموقع اللي اتشغّل منه — وإنت اللي تقرر توقفه.
بالجنيه المصري. باقة شهرية بسعر ثابت أو على قد استهلاكك، ومن غير رسوم مخفية.
الدعم بالعربي ومن ناس شغالة على المنصة نفسها، مش تذكرة بتروح لطابور وترجعلك رد جاهز. لو فيه درس مش شغال عند طلبتك، دي مشكلة بتتحل دلوقتي مش بكرة.
ارفعه، حطه على موقعك، وشوف الفرق بنفسك قبل ما تدفع حاجة.
تسجيل في دقيقة، من غير كارت.